სასწავლო პროექტი

პროექტის სახელწოდება: საქართველოს რუკის დამზადება.

პროექტის მთავარი იდეა: საქართველოს გეოგრაფიული ობიექტების გაცნობა.

პროექტის აქტუალობა: გამოარჩიონ მოსწავლეებმა რუკაზე ის გეოგრაფიული ობიექტები, რომლებიც გაუადვილებს საქართველოს ადგილმდებარეობის განსაზღვრას.

პროექტის მიზნები: მოსწავლემ შეძლოს საქართველოს მარტივი რუკის დამზადება.

მონაწილეთა ასაკი: 9- 10 წელი.

ვადები/ხანგრძლივობა: 3 დღე.

მოსალოდნელი შედეგები: შეძლებენ საქართველოს მარტივი რუკის დამზადებას.

პროექტისათვის საჭირო ძირითადი რესურსები: საქართველოს ფიზიკური რუკა, საქართველოს კონტურული რუკა, მუყაოს ქაღალდი, ფლომასტერები, სხვადასხვა ფერის პლასტილინი, წებო, მაკრატელი, პატარა ხის ჩხირები, პატარა ფურცლები.

პროექტის მსვლელობა: 

• მოსწავლეებს ვთხოვ, იმუშაონ ჩემი ინსტრუქციის მიხედვით:

ამოჭრან დანართიდან საქართველოს კონტურული რუკა.

·        მუყაოს ფურცელზე დააწებონ ამოჭრილი კონტური.

·        გაიხსენონ, რომელი მხრიდან ესაზღვრება საქართველოს შავი ზღვა და იმ ადგილას კონტურზე ლურჯი პლასტილინი დააკრან.

·        შემდეგ მონიშნონ კავკასიონის ადგილი და მუქი ყავისფერი პლასტილინისაგან გამოძერწონ სხვადასხვა სიმაღლის მთები. მონიშნულ ადგილებში დააწებონ პლასტილინის ,,მთები“.

·        საქართველოს სამხრეთ ნაწილშიც განალაგონ ,,მთები“, ოღონდ ოდნავ ღია ფერის.

·        მთებს შორის დარჩენილ ადგილებში შეავსონ მწვანე და ღია ყვითელი პლასტილინით.

·        პატარა ფურცლებზე დააწერონ სახელები: შავი ზღვა, კავკასიონი, კოლხეთის დაბლობი, საქართველოს სამხრეთ მთიანეთი, კახეთის ვაკე. ფურცლები ჩამოაცვან ჩხირებზე და ჩაარჭონ შესაბამის ადგილებში.

·        ნამუშევრები შეადარონ საქართველოს ფიზიკურ რუკას, თუ რამდენად ზუსტად შექმნეს რუკა.

·        ბოლოს მოვაწყობთ მოსწავლეთა ნამუშევრების გამოფენას.

საგნებთან/საგნობრივ ჯგუფებთან/ეროვნულ სასწავლო გეგმასთან კავშირი:

ბუნ.V.7.მოსწავლეს შეუძლია ობიექტების მდებარეობისა  და ურთიერთმიმართების განსაზღვრა რუკაზე.

შედეგი თვალსაჩინოა, თუ მოსწავლე:

·       გამოარჩევს რუკაზე იმ გეოგრაფიულ ობიექტებს (მაგ., შავი ზღვა, კასპიის ზღვა, კავკასიონი), რომლებიც უადვილებს საქართველოს ადგილმდებარეობის განსაზღვრას;

პროექტის ხელმძღვანელი: თამარ ვაშალომიძე

ხელმძღვანელის ელ. ფოსტა: tamarvashalomidze@gmail.com